إدارة متكاملة
لمزرعتك باحترافية

من الصفحة الرئيسية اضغط على "إنشاء حساب جديد" أو افتح صفحة التسجيل مباشرة، املأ البيانات المطلوبة (الاسم، رقم الهاتف، البريد الإلكتروني وكلمة المرور) واضغط "تسجيل". بعد التسجيل هتقدر تسجل دخولك من صفحة "تسجيل الدخول" الخاصة بالعملاء وتبدأ تتابع مزرعتك.

أيوه، إنشاء الحساب في النظام مجاني بالكامل. الدفع بيبقى فقط عند الاشتراك في إحدى الباقات أو عند طلب خدمات أو استشارات محددة.

تواصل معنا مباشرة على رقم الواتساب أو الهاتف وسنساعدك في استعادة الوصول لحسابك في أسرع وقت، أو يمكنك التواصل عبر صفحة "اتصل بنا" وسيقوم فريق الدعم بإعادة تعيين كلمة المرور لك.

أيوه، حسب الباقة المشترك فيها تقدر تضيف مزرعة أو أكثر لحسابك. بعد التسجيل ادخل على حسابك واختار "إضافة مزرعة" وسجل بيانات المزرعة والمساحة والمحاصيل، وكل مزرعة هيكون ليها متابعة وتقارير منفصلة.

حساب العميل هو حسابك الشخصي اللي من خلاله بتتابع مزارعك وفواتيرك ومحفظتك وتقدر تدفع وتشوف التقارير. أما حسابات الإدارة والموظفين فبتخص فريق EG Plant الداخلي لإدارة العمليات والمتابعة الميدانية.

من الصفحة الرئيسية اضغط على زر "احجز استشارتك" أو افتح صفحة الاستشارة مباشرة، املأ بياناتك ووصف حالتك (نوع المحصول، المساحة، المشكلة اللي بتواجهك) واضغط إرسال. فريقنا هيواصل معاك لتحديد موعد الاستشارة.

الاستشارة الأولى المبدئية بتكون مجانية لتقييم حالتك وفهم احتياجك. أي استشارة متخصصة أو متابعة بعد كده بتتم حسب نوع الاستشارة والاتفاق، وبتكون واضحة من البداية قبل ما نبدأ أي شغل.

بعد استلام طلبك، فريق EG Plant هيراجع بياناتك ويحدد معاك موعد مناسب، وفي أغلب الحالات بيتم عمل زيارة ميدانية للمزرعة لفحص الحالة على الطبيعة، وبعدها بتستلم تقرير فني بالتوصيات والخطة المناسبة.

بنقدم الاتنين. في الحالات البسيطة بنقدر نعمل متابعة عن بُعد عبر الواتساب أو مكالمة فيديو، وفي الحالات اللي محتاجة فحص دقيق بنعمل زيارة ميدانية. بنحدد الأنسب حسب حالتك وموقعك.

بنقبل الدفع نقدًا أو بنكي أو من محفظة العميل داخل النظام. تقدر تشحن محفظتك بإيداع مبلغ، وبعدين تستخدم رصيد المحفظة في سداد فواتيرك واشتراكاتك بضغطة واحدة.

محفظة العميل هي رصيد مقدم عندنا في النظام. تقدر تطلب إيداع من داخل حسابك، وبمجرد تأكيد الإيداع هيتضاف المبلغ لمحفظتك وتقدر تستخدمه في أي وقت لسداد الفواتير أو تجديد الاشتراك.

أيوه، من حسابك افتح صفحة الفواتير، اختار الفاتورة اللي عايز تدفعها واختار طريقة الدفع "من محفظة العميل". المبلغ هيتخصم من محفظتك فورًا وهتتحدث حالة الفاتورة لمدفوعة.

أول ما بيتصدر فاتورة على حسابك بتظهر فورًا في صفحة الفواتير داخل حسابك وبيوصلك إشعار بالواتساب. تقدر تسددها من المحفظة أو بأي طريقة دفع متاحة، وبيظهرلك المبلغ المتبقي وحالة الفاتورة لحظة بلحظة.

التحويلات بتتم حسب البنك أو المحفظة الإلكترونية اللي بتستخدمها. داخل نظام EG Plant مفيش أي رسوم إضافية على شحن المحفظة أو على سداد الفواتير.

بنقدم مجموعة متكاملة من الخدمات الزراعية: استشارات زراعية متخصصة، تصميم وتنفيذ شبكات الري، برامج التسميد والمكافحة، تحليل التربة والمياه، متابعة المحاصيل ميدانيًا، توريد الشتلات والأسمدة، توريد وغرس الفسائل، إعادة تأهيل المزارع القديمة، وخدمات العناية بالنخيل.

الباقات مصممة حسب حجم المزرعة واحتياجك: الباقات الصغيرة للمزارع المحدودة، وباقات الإدارة المتكاملة للمزارع اللي محتاجة متابعة فنية ومالية كاملة، وباقات الزراعات المتنوعة والإدارة المتقدمة للمزارع المتوسطة والكبيرة. تقدر تتواصل معانا ونرشحلك الأنسب لمساحتك ومحصولك.

نخيل التمر من أهم تخصصاتنا (زراعة الفسائل، بنت جورة، مكافحة سوسة النخيل، والعناية بالنخيل)، لكن بنقدم خدماتنا لكل المحاصيل: البرسيم، الحبوب، الزراعات المتنوعة، وأي محصول بيتزرع في مصر.

أيوه، من ضمن باقات المتابعة بنصدر تقارير فنية دورية مفصلة عن حالة المحاصيل، الري، التسميد، المكافحة، وأي ملاحظات ميدانية، وبتوصلك هذه التقارير بانتظام وتقدر تشوفها في حسابك.

نظام إدارة المزرعة هو بوابة إلكترونية بتتابع منها كل حاجة: بيانات مزرعتك، زيارات المهندسين، التقارير، الفواتير والمدفوعات، ومحفظتك. بتدخل بحسابك من زر "دخول إلى النظام" وكل بياناتك هتكون منظمة في مكان واحد.

الاتنين مع بعض. فريقنا بيعمل زيارات ميدانية دورية حسب الباقة وبيسجل كل الملاحظات في النظام، وف نفس الوقت بيبقى فيه متابعة عن بُعد عبر الواتساب لأي استفسار أو حالة طارئة.

تواصل معنا فورًا على الواتساب أو الهاتف، وبنديك خدمة زيارات طارئة لحل المشكلات. لو المشكلة محتاجة تدخل سريع (زي إصابة سوسة أو عطل ري) بنتعامل معاها كأولوية.

أيوه، كل الباقات بتشمل دعم فني متواصل، والدعم بيزيد حسب مستوى الباقة. فريق EG Plant معاك على مدار فترة التعاقد من التأسيس لحد الإنتاج.